एसईसीएल के कोयला खदान म चोरी करैय्या 10 आरोपी गिरफ्तार, 3 वाहन अउ 40 हजार बरामद

कोरिया। जिला के एसईसीएल के कोयला खदान म चोरी के आरोप म पुलिस ह 10 झन ल गिरफ्तार करिन हे। आरोपी मन के  पास ले दू पिकअप, एक बोलेरो अउ 40 हजार रूपिया मूल्य के सामान बरामद करे गे हे। कटघोरी सॉफ्ट माइंस म काम करैय्या गार्ड ह सोनहत थाना म खदान में चोरी के जानकारी दे रिहिस। जेकर बाद पुलिस ह 24 घंटा के भीतर सबो आरोपी ल पकड़िन हे।

एडिशनल एसपी ह बतईन कि आरोपी मन के पास ले खदान ले चोरी करे सामान बरामद होईन हे। संगे-संग चोरी के वारदात म इस्तेमाल एक बोलेरो अउ दू पिकअप घलो जब्त करे गे हे। ये चोर गिरोह ह बहुत समय से पुलिस बर सरदर्द बने रहीस। ये मन ह चोरी के  वारदात ल अंजाम दे के भाग जात रिहिस

वोहर संभावना जताए हे कि ये चोर गिरोह के पर्दाफास ले अउ कई ठन चोरी मन के खुलासा हो सकत हे। फिलहाल, पुलिस ह ये आरोपी मन ले पूछताछ करत हे।