नक्सली हिंसा म मारे गए मनखे के परिवार ल 10 लाख रुपिया के सहायता

दंतेवाड़ा. राज्य शासन के नक्सली पीडि़त परिवार मन बर पुनर्वास कार्ययोजना के तहत कलेक्टर अउर जिला दण्डाधिकारी श्री टोपेश्वर वर्मा ह जिला स्तरीय पुनर्वास समिति के अनुशंसा के आधार म नक्सली हिंसा म मृतक मन के आश्रित मन ल 10 लाख रुपिया के सहायता राशि प्रदान करे के स्वीकृति देहे हे.

जेखर तहत जिला के गीदम निवासी श्रीमती प्रियंका यादव अऊ किरन्दुल निवासी श्रीमती माड़वी कोसी ल पांच-पांच लाख रुपिया के सहायता राशि प्रदान करे के स्वीकृति देहे गए हे. ये सहायता राशि सम्बन्धित हितग्राही मन के बैंक खाता म डायरेक्ट बेनेफिट ट्रांसफर के जरिये जमा करे जाही.

उहें ये राशि तीन साल बर सावधि जमा के रूप म रइही अऊ ए दौरान सावधि जमा राशि के हर तीन महीना म ब्याज सम्बन्धित हितग्राही के बैंक खाता म सीधा जमा हो जाही. ये ब्याज के राशि ल हितग्राही आहरण कर सकही अउर तीन साल के के बाद मूलधन राशि बैंक के सम्बन्धित हितग्राही के बैंक खाता म सीधा हस्तांतरित कर दे जाही. ये सबो कार्यवाही करे बर तहसीलदार गीदम अऊ बड़ेबचेली ल निर्देश देहे गए हे.