रायपुर. लोकसभा चुनाव बर छत्तीसगढ़ के सबो 10 सांसद मन के टिकट काट के नवा प्रत्याशी मन ल मउका देय के भाजपा के दांव उलटा पड़त नजर आवत हे. ए निरनय के विरोध म पार्टी के भीतर ले ही स्वर उठत हवय.
जांजगीर लोकसभा सीट म वर्तमान सांसद कमला देवी पाटले के जगा म गुहाराम अजगल्ले ल भाजपा आलाकमान ह टिकट देय हे. पार्टी के ए कदम के विरोध कोनो अउ कोइ नई बल्कि सांसद पुत्र प्रदीप पाटले करत हवय, उहूं खुला आम फेसबुक पोस्ट के जरिए.
प्रदीप पाटले ह स्थानीय प्रत्याशी के बजाए बाहरी ल तरजीह देए जाए म पार्टी आलाकमान उपर तीखा तंज कसत हुए कहिन के, विधानसभा म हार का ठिकरा सबो 10 सांसद म उपर फूटिस हे, लेकिन जेखर ऊपर उक्त चुनाव के जिम्मेदारी रहिस हे, उमन ल उपाधि ले नवाजे गिस, अउ लोकसभा म घलो ओखर हाथ म दे दिस.
कांकेर म पूर्व बीजेपी विधायक ह खोलिस मोर्चा
कांकेर लोकसभा सीट म मोहन मंडावी ल टिकट देय जाए ले नाराज बीजेपी की पूर्व विधायक सुमित्रा मारकोले ह शुक्रवार चुनाव लड़े बर नामांकन फॉर्म तक ख़रीद लेय हे. बछर 2008-13 तक कांकेर के विधायक रहे सुमित्रा मारकोले के कहिना हे के मय पार्टी कार्यकर्ता मन के संग जन भावना मन ल देखत हुए चुनाव लड़त हव. काबर के इहां पार्टी मे जे काम कर रहत हे,
उमन के कोनो इज्जत नइए. कार्यकर्ता बछर ले ए भरोसा म काम करत हे के उमन ल घलो अवसर मिलही, लेकिन जब बाहर ले प्रत्याशी ला के चुनाव लड़वाही त कहां ले पार्टी के लोग मन काम करही.
जमीनी कार्यकर्ता मन के अनदेखी
मारकोले ह कहिन के, पार्टी ह जमीनी कार्यकर्ता मन के अनदेखी करे गे हे. बछर ले पार्टी बर मेहनत करत हे कार्यकर्ता मन के अनदेखी कर एक अइसे व्यक्ति ल टिकट देय गे हे, जेमा कभु पार्टी के झंडा तक नइ उठाइस. उमन कहिन के, पार्टी के ए फइसला ले संतुष्ट नइ हव. अपन कार्यकर्ता मन के कहे म अब उमन निर्दलीय चुनाव लड़े के मन बना चुके हव.
Other Articles
