dhamtari म फेर कोरोना के 10 नवा मरीज के होइस पहचान, संक्रमित मन के संख्या हो गे 100 ले जादा
जय जोहार…. धमतरी (dhamtari) जिला म कोरोना संक्रमित मन के संख्या ह सरलघा बाढ़त जावत हे।
जिला म आज कोरोना के 10 नवा मरीज मिले हे। एखर संग जिला म कुल संक्रमित मन के संख्या ह 100 ले जादा हो गे हे।
एखर पुष्टि करत हुये (dhamtari) सर्विलेंस अधिकारी डॉ. विजय फूलमाली ह बताइस कि शुक्रवार बिहिनिया कोरोना के 6 नवा मरीज ह पाय गे हे, जेमा मगरलोड क्षेत्र ले चार, नगरी ले एक अउ नारायणा अस्पताल म एक मरीज ह भर्ती हे।
वो हा बताइस कि मगरलोड कालेज म पूर्व म संक्रमित लैब अटेंडेंट के संपर्क म अवइया दू कर्मचारी अउ एक मोबाइल दुकान वाला ह संक्रमित होय हे।
अइसने मेघा क्षेत्र म पूर्व म पाय गे संक्रमित के संपर्क म अवइया एक व्यक्ति ह पाजिटिव मिले हे। नगरी क्षेत्र म घलो प्रथम संपर्क म अवइया व्यक्ति ह संक्रमित होय हे।
वो हा बताइस कि (dhamtari) सोरिद नगर वार्ड म संक्रमित के संपर्क म अवइया एक परिवार के चार लोगन मन ह पाजिटिव पाय गे हे। उहचे कुरुद ब्लाक म चार नवा मरीज मिले हे, जेखर पुष्टि ल कुरुद बीएमओ डॉ नवरत्न ह करे हे।
Other Articles
aiims म अवइया तीन दिन नई होही कोरोना के जांच, पढो पूरा खबर
