corona: ए जिला म मिलिस कोरोना के 10 नवा मरीज, 2 डॉक्टर घलो पाजिटिव

जय जोहार…. छत्तीसगढ़ म कोरोना (corona) संक्रमित मरीज मन के संख्या ह तेजी ले बाढ़त जावत हे। प्रदेश के गौरेला-पेंड्रा-मरवाही जिला म आज कोरोना के 10 नवा मरीज के पहचान होय हे। एखर पुष्टि ल जिला शिक्षा अधिकारी ह करे हे।

जानकारी के मुताबिक आज जेन (corona) 10 नवा मरीज मिले हे, ओमा ग्रामीण क्षेत्र ले आठ नवा मरीज शामिल हे। उहचे जिला चिकित्सालय के 2 डॉक्टर ह घलो संक्रमित हो गे हे।

संक्रमित डॉक्टर मन ह संपर्क म आए लोगन मन ले क्वारेंटाइन होय के अपील करे हे। आज मिले सबो संक्रमित मन ल (corona) कोविड-19 अस्पताल भेजे गे हे।