corona : प्रदेस म आज सामने आय हे कोरोना के 10 नवा मरीज, 2 संक्रमित के होगे मउत

जय जोहार… (corona) प्रदेस म आज कोरोना के 10 नवा मरीज के पहिचान होय हे। उहें 30 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि उपचार के दउरान 2 मरीज के मौत होगे हे।

प्रदेस म आज जेन कोरोना (corona) के नवा मरीज मिले हे, ओमा राजनांदगांव ले 3, रायपुर ले 1, कोरबा ले 2, सूरजपुर ले 1, बस्तर ले 1, दंतेवाड़ा ले 2 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 412 हो गे हे, जेमा ले 232 एक्टिव मामला हे। उहें 9 लाख 91 हजार 612 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13568 मरीज के जान चले गे हे।