एम्स के बाद राजधानी म इहां तैयार होइस 100 बिस्तर के कोविड 19 अस्पताल, जायजा ले बर पहुंचिस स्वास्थ्य मंत्री

जय जोहार रायपुर…. स्वास्थ्य मंत्री टीएस सिंहदेव ह राजधानी के माना म बनाए गिस 100 बिस्तर वाला अस्पताल के जायजा लिस। कोरोना संक्रमण के मद्देनजर ऐहतियातन स्वास्थ्य विभाग ह 100 बिस्तर वाला अस्पताल तैयार कराए हे, ताकि ज्यादा ले ज्यादा मरीज मन के एक संग इलाज संभव हो सके। स्वास्थ्य मंत्री ह अस्पताल के निरीक्षण कर बारीकी ले सबो चीज मन के मुआयना करिन। संगेसंग कमी मन ल जल्द पूरा करे के निर्देश दिस।

बता देन कि राज्य सरकार ह माना म 100 बिस्तर वाला स्पेशल कोविड ट्रीटमेंट सेंटर बनाए हे। इहां कोरोना संक्रमित मरीज मन के इलाज होही। स्वास्थ्य मंत्री ह डाक्टर मन ले मिल के तैयारी अऊ व्यवास्था मन ल लेके चर्चा घलो करिन।