रायपुर । शिक्षाकर्मी संविलियन के ग पूरी न होय के वजह ले अब सार्वजनिक मुंडन के रणनीति बनाए जात हे, उंहा महिला शिक्षाकर्मी मन के मुंडन। मध्यप्रदेश म भी विरोध-प्रदर्शन के दउरान महिला शिक्षाकर्मी मन ह मुंडन कराए रिहिन हे। उही तरज म छत्तीसगढ़ म घलो 101 महिला शिक्षाकर्मी मुंडन करवाएंही। सीएम ह शिक्षाकर्मी मन ल मिले बर बुलाया रहिन हे, लेकिन कोनो कारण ले ये बइठक टल गे रहिस हे। सीएम कार्यालय ह एक हफ्ता के समय शिक्षाकर्मी मन ल देय हे मुख्यमंत्री ले भेंट के, जेमा घलो चार दिन गुजर गेहे। शिक्षाकर्मी संघ के वीरेन्द्र दुबे ह बताइन कि हमार आंदोलन खतम नइ होय हो। वोह अभु भी जारी हे । बस शासन ल समय देत रेहेन, ताकि उमन घलो प्रक्रिया के तहत कार्य कर लेवय, अगर मांग पूरा नइ होही तो आंदोलन करे म हमम पीछु नइ हटन। दुबे ह कहिन कि एमपी म मुंडन के जो आंदोलन छेड़े गे रिहिस हे, उही तरह के छत्तीसगढ़ म लो आंदोलन करे के विचार होवत हे।
एक बार फिर बढ़ा जाही कमेटी के कार्यकाल
सूत्र मन के हवाले ले जो खबर निकल के आवत हे वो ह शिक्षाकर्मी मन बर अच्छा नोहय । अगर सूत्र मन के मानन तो शिक्षाकर्मी के मांग मन के निराकरण बनयगे कमेटी के कार्यकाल एक बार फेर बढ़ा सकत हे। अउ कमेटी के कार्यकाल म एक माह के बढ़ोतरी हो सकत हे।
