जय जोहार…. कोरोना के मद्देनजर छत्तीसगढ़ म रेड, आरेंज अउ ग्रीन जोन के बंटवारा कर दे गे हे। प्रदेश के 21 जिला म 101 विकासखण्ड ह रेड जोन म हे। ऊहचे आरेंज जोन के संख्या ह 34 हे।
राजधानी रायपुर के पांच विकासखण्ड ह रेड जेन म हे। राजनांदगांव से सबले जियादा 9 विकासखण्ड हे रेड जोन म हे। रायगढ़ म 8, जशपुर म 7, बलरामपुर, महासमुंद अउ दुर्ग म 5-5 विकासखण्ड ह रेड जोन म हे।
स्वास्थ्य विभाग के तरफ ले जारी अधिसूचना म राजधानी रायपुर के रायपुर शहरी, अभनपुर, आरंग, धरसींवा अउ तिल्दा विकासखण्ड ह रेड जोन म हे। गरियाबन्द जिला के मैनपुर, राजिम, छुरा अउ गरियाबन्द विकासखण्ड ह रेड जोन म हे। राजनांदगांव जिला के राजनांदगांव शहरी, मानपुर, मोहला, अंबागढ़ चौकी, छुरिया, डोंगरगढ़, घुमका, खैरागढ़ अउ डोंगरगांव विकासखण्ड ल रेड जोन म रखे गे हे। बलौदाबाजार जिला के लवन, भाटापारा, बिलाईगढ़, पलारी, कसडोल अउ सिमगा विकासखण्ड ह रेड जोन म हे।
बता देन कि स्वास्थ्य विभाग के ओर ले जारी अधिसूचना म केन्द्रीय स्वास्थ्य अउ परिवार कल्याण मंत्रालय के दिशा-निर्देश के मुताबिक राज्य के सब्बो विकासखण्ड अउ शहीर क्षेत्र म कोविड-19 के सक्रिय मामले के संख्या, एखर दोगुने होय के दर अउ एक लाख जनसंख्या म सैम्पल जांच के ताजा स्थिति के आधार म ओ मन ल रेड, आरेंज अउ ग्रीन जोन म बंटवारा करे हे।
