Corona: प्रदेश म बीते 24 घंटा म होय हे 1014 नवा मरीज के पहचान, रायपुर म घलो 180 पाजिटिव
जय जोहार…. (corona) छत्तीसगढ़ म बीते 24 घंटा म कोरोना के 1014 नवा मरीज मिले हे। उहचे 719 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 14 संक्रमित मन के मौत हो गे हे।
प्रदेश म पिछिले 24 घंटा म जेन कोरोना (corona) के नवा मरीज के पहचान होय हे, ओमा रायपुर ले 180, दुर्ग ले 118, बिलासपुर ले 112, राजनांदगांव ले 80, रायगढ़ ले 63, जांजगीर-चांपा ले 58, जशपुर ले 55, कोरबा ले 54, सरगुजा ले 42, धमतरी ले 32, बालोद ले 29, बलौदाबाजार ले 27, सूरजपुर ले 25, महासमुंद ले 22, कांकेर ले 21, कोरिया ले 16, कोंडागांव ले 13, बेमेतरा ले 11, गरियाबंद ले 10, दंतेवाड़ा ले 9, बस्तर ले 8, कवर्धा अऊ गौरेला-पेंड्रा-मरवाही ले 7-7, बलरामपुर अऊ मुंगेली से 5-5, नारायणपुर ले 3, सुकमा ले 2 मरीज शामिल हे।
बता देन कि प्रदेश म कोरोना (corona) संक्रमण के मामला ह बाढ़ के 2 लाख 88 हजार 570 हो गे हे। जेमा ले 9274 एक्टिव मामला हे। उहचे 2 लाख 75 हजार 812 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 3484 लोगन मन के मौत हो गे हे।
