Corona: प्रदेश म पिछिले 24 घंटा म सामने आय हे 1021 नवा मामला, राजधानी म घलो 231 पाजिटिव
जय जोहार…. छत्तीसगढ़ म पिछिले 24 घंटा म कोरोना (corona) के 1021 नवा मरीज सामने आय हे। उहचे 1492 संक्रमित मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 16 लोगन मन के मौत हो गे हे।
बीते 24 घंटा म कोरोना (corona) के जेन नवा मरीज के पहचान होय हे, ओमा रायपुर ले 231, दुर्ग ले 103, राजनांदगांव ले 83, सरगुजा ले 62, बिलासपुर ले 57, रायगढ़ ले 54, बालोद ले 48, सूरजपुर ले 45, धमतरी ले 44, कोरबा ले 40, कोरिया ले 30, महासमुंद अऊ जशपुर ले 29-29, बलौदाबाजार ले 27, जांजगीर-चांपा अऊ बलरामपुर ले 25-25, कांकेर ले 23, बेमेतरा ले 16, कबीरधाम ले 12, गरियाबंद ले 10 मरीज शामिल हे।
बता देन कि प्रदेश म कोरोना (corona) संक्रमित मन के संख्या ह 2 लाख 84 हजार 536 हो गे हे। जेमा ले 9111 एक्टिव मामला हे। उहचे 2 लाख 71 हजार 988 लोगन मन ल स्वस्थ होय के बाद अस्पताल ले छुट्टी दे दे गे हे। ए वायरस ले प्रदेश म अब त क 3437 लोगन मन के मौत हो गे हे।
