corona : प्रदेस म आज मिले हे कोरोना के 103 नवा मामला
जय जोहार। (corona ) प्रदेस म आज कोरोना के 103 नवा मरीज के पहचान होय हे। उहें 118 मरीज ल ठीक होय के बाद अस्पताल ले छुट्टी दे दे गेहे।
(corona) प्रदेस म जेन कोरोना के नवा मरीज मिले हे, ओमा दुर्ग ले 22, राजनांदगांव ले 5, बालोद ले 3, बेमेतरा ले 9, कबीरधाम ले 3, रायपुर ले 3, धमतरी ले 7, बलौदाबाजार ले 2, महासमुंद ले 3, गरियाबंद ले 2, बिलासपुर ले 2, रायगढ़ ले 3, कोरबा ले 2, जांजगीर- चांपा ले 1, मुंगेली ले 4, गौरेला-पेंड्रा-मरवाही ले 1, सरगुजा ले 11, कोरिया ले 4, सूरजपुर ले 1, बलरामपुर ले 7, जशपुर ले 3, कोंडागांव ले 2, कांकेर ले 1, नारायणपुर ले 1 अउ बीजापुर ले 1 सामिल हे।
बता देन कि (corona ) प्रदेस म कोरोना संक्रमित मरीज मन के संख्या 11 लाख 74 हजार 579 होगे हे, जेमा ले 750 एक्टिव मामला हे। उहें 11 लाख 59 हजार 713 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14116 मरीज के मउत हो गेहे।
