Corona: प्रदेश म पिछिले 24 घंटा म मिले हे 1035 नवा मरीज, राजधानी म घलो 141 पाजिटिव
जय जोहार…. (Corona) छत्तीसगढ़ म पिछिले 24 घंटा म कोरोना के 1035 नवा मरीज मिले हे। उहचे 1365 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 14 लोगन मन के मौत हो गे हे।
बीते 24 घंटा म राज्य म कोरोना (Corona) के जेन नवा मरीज के पहचान होय हे, ओमा रायपुर ले 141, बिलासपुर ले 123, राजनांदगांव ले 117, दुर्ग ले 110, जांजगीर-चांपा ले 75, रायगढ़ ले 49, सूरजपुर ले 47, महासमुंद ले 45, सरगुजा ले 43, बालोद ले 39, बलौदाबाजार ले 33, बलरामपुर ले 31, बेमेतरा अऊ कोरबा ले 26-26, कबीरधाम ले 25, जशपुर ले 21, धमतरी ले 18, कोरिया ले 14 मरीज शामिल हे।
बता देन कि प्रदेश म कोरोना (Corona) संक्रमित मन के संख्या ह 2 लाख 79 हजार 575 हो गे हे। जेमा ले 11435 एक्टिव मामला हे। उहचे 2 लाख 64 हजार 769 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3371 लोगन मन के मौत हो गे हे।
