जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। आज प्रदेश म कोरोना के 1045 नवा मरीज के पहचान होय हे।
उहचे 413 लोगन मन ह कोरोना ले जंग जीत गे हे। जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान आज 8 लोगन मन के मौत हो गे हे।
आज जेन कोरोना (corona) के नवा मरीज मिले हे, ओमा रायपुर ले 514, दुर्ग ले 112, रायगढ़ ले 70, राजनांदगांव ले 47, महासमुंद ले 36, बीजापुर ले 28, बिलासपुर ले 24, बस्तर ले 23, नारायणपुर अऊ सरगुजा ले 20-20, धमतरी ले 18, कांकेर ले 14, बालोद अऊ बलौदाबाजार ले 13-13, जांजगीर-चांपा अऊ मुंगेली ले 12-12, सूरजपुर ले 11, कबीरधाम ले 9, कोण्डागांव अऊ सुकमा ले 7-7, दंतेवाड़ा ले 6, बलरामपुर अऊ आन राज्य ले 3-3, गौरेला-पेण्ड्रा-मरवाही अऊ जशपुर ले 1-1 शामिल हे।
बता दन कि प्रदेश म कोरोना (corona) संक्रमित मन के संख्या ह बाढ़ के 24386 हो गे हे। जेमा ले 10012 एक्टिव मामला हे।
उहचे 14145 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 229 लोगन मन के मौत हो गे हे।
