Corona: प्रदेश म बीते 24 घंटा म होय हे 1050 नवा मरीज के पहचान, राजधानी म घलो 153 पाजिटिव
जय जोहार…. (corona) छत्तीसगढ़ म पिछिले 24 घंटा म कोरोना के 1050 नवा मामला ह सामने आय हे। उहचे 957 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 7 मरीज मन के मौत हो गे हे।
प्रदेश म बीते 24 घंटा म जेन कोरोना (corona) के नवा मरीज मिले हे, ओमा रायपुर ले 153, दुर्ग ले 130, बिलासपुर ले 113, राजनांदगांव ले 94, रायगढ़ ले 57, सरगुजा ले 55, जांजगीर अऊ कोरिया ले 46-46, धमतरी अऊ महासमुंद ले 43-43, बालोद ले 39, कोरबा ले 34, जशपुर अऊ सूरजपुर ले 29-29, बलौदाबाजार ले 28, बलरामपुर ले 17, बेमेतरा ले 15, मुंगेली ले 13, कोंडगांव ले 12, गौरेला-पेंड्रा-मरवाही ले 11, कवर्धा ले 9, बस्तर ले 6, गरियाबंद ले 5 मरीज शामिल हे।
बता देन कि प्रदेश म कोरोना (corona) संक्रमित मन के संख्या ह 2 लाख 85 हजार 586 हो गे हे। जेमा ले 9109 एक्टिव मामला हे। उहचे 2 लाख 73 हजार 030 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3450 लोगन मन के मौत हो गे हे।
