Corona: प्रदेश म आज होय हे कोरोना के 10521 नवा मामला के पहचान, रायपुर म घलो 2833 पाजिटिव
जय जोहार…. (Corona) प्रदेश म रविवार के कोरोना के 10521 नवा मामला के पहचान होय हे। उहचे 5707 मरीज मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 82 संक्रमित मन के मौत हो गे हे।
आज जेन कोरोना (Corona) के नवा मरीज मिले हे, ओमा रायपुर ले 2833, दुर्ग ले 1650, राजनांदगांव ले 759, बिलासपुर ले 624, कोरबा ले 455, बलौदाबाजार ले 403, महासमुंद ले 354, जांजगीर-चांपा ले 329, गरियाबंद ले 298, बालोद ले 282, रायगढ़ ले 273, धमतरी ले 257, जशपुर ले 255, सरगुजा ले 249, बेमेतरा ले 229, कबीरधाम ले 215, मुंगेली ले 207, कांकेर ले 198, सूरजपुर ले 161, बस्तर ले 131, कोरिया ले 109, गौरेला-पेंड्रा-मरवाही ले 85, बलरामपुर ले 53, कोंडागांव ले 45, दंतेवाड़ा ले 41, नारायणपुर ले 11, सुकमा ले 7, बीजापुर ले 3 मरीज सामिल हे।
बता देन कि प्रदेश म कोरोना (Corona) संक्रमण के मामला ह 4 लाख 43 हजार 297 हो गे हे। जेमा ले 90277 एक्टिव मामला हे। उहचे 3 लाख 48 हजार 121 मरीज मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 4899 मरीज के मौत हो गे हे।
