dhamtari जिला म मिले हे कोरोना के 106 नवा मरीज, 68 लोगन मन ह होइस डिस्चार्ज

जय जोहार…. धमतरी (dhamtari) जिला म कोरोना संक्रमित मरीज मन के संख्या ह कम होय के नाम नई लेवत हे। ए जिला म आज कोरोना के 106 नवा मरीज के पहचान होय हे। उहचे 68 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 2 मरीज के मौत हो गे हे।

जिला स्वास्थ्य समिति धमतरी (dhamtari) ले जारी आंकड़ा के मुताबिक आज जेन नवा मरीज मिले हे, ओमा धमतरी शहरी ले 53, कुरुद ब्लाक ले 32, गुजरा ले 12, मगरलोड ब्लाक ले 6, नगरी ब्लाक ले 3 मरीज शामिल हे।

बता देन कि धमतरी (dhamtari) जिला म कोरोना संक्रमित मन के संख्या ह 2347 पहुंच गे हे। जेमा ले 844 एक्टिव मामला हे। उहचे 1467 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले जिला म अब तक 36 लोगन मन के मौत हो गे हे।