Corona: छत्तीसगढ़ म पिछिले 24 घंटा म सामने आय हे 1069 नवा मरीज, राजधानी म घलो 175 पाजिटिव
जय जोहार…. राज्य म पिछिले 24 घंटा म कोरोना (Corona) के 1069 नवा मरीज के पहचान होय हे। उहचे 1470 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 14 लोगन मन के मौत हो गे हे।
बीते 24 घंटा म कोरोना(Corona) के जेन नवा मरीज मिले हे, ओमा रायपुर ले 175, दुर्ग ले 118, बिलासपुर ले 92, राजनांदगांव ले 83, रायगढ़ ले 75, बलौदाबाजार ले 61, कोरबा ले 59, सरगुजा ले 50, जांजगीर ले 49, सूरजपुर अऊ महासमुंद ले 39-39, बलरामपुर ले 37, धमतरी ले 31, बालोद ले 29, कोरिया ले 26, जशपुर ले 19, कांकेर ले 18, बेमेतरा ले 16, सुकमा ले 13, मुंगेली ले 10, कोंडगांव ले 9, कवर्धा अऊ गरियाबंद ले 8-8, , बस्तर ले 7, गौरेला-पेंड्रा-मरवाही अऊ दंतेवाड़ा ले 4-4 मरीज शामिल हे।
बता देन कि प्रदेश म कोरोना (Corona) संक्रमित मन के संख्या 2 लाख 78 हजार 540 हो गे हे। जेमा ले 11939 एक्टिव मामला हे। उहचे 2 लाख 63 हजार 251 संक्रमित मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 3350 लोगन मन के मौत हो गे हे।
