Corona : छत्तीसगढ़ म फेर कोरोना के 107 नवा मरीज के होइस पुष्टि, एक्टिव केस ह बाढ़ के अब 766

जय जोहार…. छत्तीसगढ़ म सनिच्चर के कोरोना (corona) के 107 नवा मरीज के पुष्टि होय हे। जेमा राजनांदगांव ले 53, जांजगीर ले 25, बलरामपुर ले 6, नारायणपुर ले 4, दुर्ग ले पांच, रायपुर अऊ बिलासपुर ले 1-1, रायगढ़ ले 7, कोरबा ले 2, सुकमा ले तीन मरीज शामिल हे।

जेखर बाद राज्य म कोरोना (corona) संक्रमण के कुल संख्या ह बाढ़ के 2134 हो गे हे। जबकि 1368 लोगन मन ह कोरोना (corona) ल मात दे दे हे अऊ प्रदेश के अलग-अलग अस्पताल ले डिस्चार्ज हो के अपन घर लहुट चुके हे। ऊहचे सक्रिय केस के संख्या ह 766 हो गे हे।
बता देन कि प्रदेश म आज एक मरीज के मौत हो गे हे। जेखर बाद मौत के आंकड़ा ह बाढ़ के 11 हो गे हे। रायपुर एम्स म बिलासपुर के एक मरीज के मौत होय हे। ए मरीज ह कैंसर ले घलो पीड़ित रहिस।