corona : देस म 24 घंटा म बाढ़गे कोरोना के 10715 नवा मामला, 17 संक्रमित के होगे मउत

जय जोहार। (corona ) देस म बीते 24 घंटा म कोरोना के 10715 ले जादा नवा मरीज सामने आय हे। उहें 9518 मरीज ह कोरोना न मात दे देहे, जेखर बाद ओमन ल अस्पताल ले डिस्चार्ज कर दे गेहे। जबकि इलाज के दउरान 17 मरीज के मउत हो गेहे।

केंद्रीय स्वास्थ्य मंत्रालय ले जारी आकड़ा के मुताबिक देस म 24 घंटा म कोरोना (corona ) के 10715 नवा मरीज मिले हे। एला मिलाके देस म कोरोना संक्रमित मन के संख्या 4 करोड़ 36 लाख ले जादा हो गेहे। जेमा ले 1 लाख 30 हजार 456 एक्टिव मामला हे।

उहें (corona ) 4 करोड़ 29 लाख ले जादा मरीज ह कोरोना ल मात दे देहे, जेखर बाद ओमन ल अस्पताल ले छुट्टी दे दे गेहे। ए वायरस ले देस म अब तक 5 लाख 25 हजार ले जादा मनखे मन के मउत हो गेहे ।