Corona: प्रदेश म बीते 24 घंटा म मिले 1097 नवा मामला, रायपुर म घलो 382 पाजिटिव
जय जोहार…. (Corona) प्रदेश म बीते 24 घंटा म कोरोना के 1097 नवा मरीज ह सामने आय हे। उहचे 333 मरीज मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दौरान 9 मरीज के मौत हो गे हे।
पिछिले 24 घंटा म कोरोना (Corona) के जेन नवा मरीज मिले हे, ओमा रायपुर ले 382, दुर्ग ले 320, बिलासपुर ले 51, राजनांदगांव ले 48, सरगुजा ले 44, जशपुर ले 34, कोरबा ले 28, बेमेतरा ले 25, धमतरी ले 23, बलौदाबाजार ले 22, महासमुंद ले 19, सूरजपुर अऊ रायगढ़ ले 13-13, कोरिया ले 10, बालोद ले 9, कांकेर ले 8, कबीरधाम अऊ मुंगेली ले 7-7, गरियाबंद अऊ बलरामपुर ले 4-4, बस्तर ,कोंडागांव अऊ बीजापुर ले 3-3, जांजगीर-चांपा अऊ नारायणपुर ले 2-2 सामिल हे।
बता देन कि प्रदेश म कोरोना (Corona) संक्रमण के मामला ह बाढ़ के 3 लाख 21 हजार 880 हो गे हे। जेमा ले 6753 एक्टिव मामला हे। उहचे 3 लाख 11 हजार 198 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 3929 संक्रमित मन के मौत हो गे हे।
