जय जोहार…. गरियाबन्द (gariaband) जिला ले राहत भरे खबर आवत हे। ए जिला के कोविड अस्पताल ले 11 मरीज मन ल बने होय के बाद डिस्चार्ज कर दे गे हे।
प्रशासन ह छुट्टी दे गे सब्बो मरीज मन ल अवइया सात दिन तक होम क्वारेंटाइन म रहे के निर्देश दे हे। अब जिला म सिरिफ दू कोरोना संक्रमित मरीज बचे हे, जेखर रायपुर अस्पताल म इलाज चलत हे।
बता देन कि गरियाबन्द (gariaband) जिला मख्यालय पिछला माह 29 अउ 30 जून के एम्स ह 12 कोरोना संक्रमित मरीज मन के पुष्टि करे रिहिस।
12 मरीज मन के तलाश करे म एक मरीज ह गरियाबन्द ले धमतरी जिला चले गे रिहिस, जेला धमतरी के कोविड अस्पताल म भर्ती कराय गिस। बचे हुये 11 संक्रमित मरीज मन ल गरियाबन्द (gariaband) के कोविड अस्पताल म भर्ती कराय गे रिहिस।
जे मन ल स्वस्थ होय के बाद आज डिस्चार्ज कर दे गे हे। अब गरियाबन्द जिला मुख्यालय के कोविड अस्पताल म भी कोनो संक्रमित मरीज नई हे।
No Comment! Be the first one.