jagdalpur: आधी रात जंगल में जुआ खेलत 11 जुआरी मन ल पुलिस ह करिन गिफ्तार
जय जोहार…. जगदलपुर (jagdalpur) के परपा थाना के कुरन्दी जंगल म पुलिस ह सनिच्चर के देर रात जुआ खेलत 11 जुआरी मन ल गिरफ्तार करे हे।
जुआरी मन के पास ले 29500 रूपिया नगद, 52 ताश के पत्ते, एक एलईडी चार्जिंग लाइट, 10 मोबाइल अउ पांच मोटरसाइकिल बरामद करे हे।
आरोपी मन के खिलाफ पुलिस ह धारा 144 के उल्लंघन अउ धारा 188,269, 270 भादवि अउ धारा 13 जुआ एक्ट के तहत कार्रवाई करे हे।
(jagdalpur) नगर पुलिस अधीक्षक हेमसागर सिदार ह बताइस कि बीते रात पुलिस ल मुखबिर ले सूचना मिले रिहिस कि कुरन्दी जंगल म 20 ले 25 लोगन मन ह जुआ खेलत हे।
सूचना म पुलिस ह देर रात तकरीबन तीन बजे मउका म पहुंचिस। जुआरी मन ल पकड़े बर क्षेत्र म घेराबंदी करे ल सुरू कर दिस। (jagdalpur) ए दौरान जुआ खेलत जुआरी मन के नजर ह पुलिस म पड़ गिस। जेखर बाद सबो जुआरी मन ह भागे ल लगिस।
ए दौरान पुलिस ह 11 जुआरी मन ल पकड़ लिस। उहचे आन आरोपी ह भागे म सफल हो गे हे।
