chhattisgarh के 11 आईएएस अधिकारी मन ल मिले हे नवा जिम्मेदारी, सामान्य प्रशासन विभाग ह जारी करिन आदेश
जय जोहार…. (chhattisgarh) भूपेश बघेल सरकार ह एक बड़का प्रशासनिक सर्जरी करे हे। ए सर्जरी म 11 आईएएस अधिकारी मन ल नवा जिम्मेदारी सौंपे गे हे। ए संबंध म सामान्य प्रशासन विभाग ह आदेश जारी कर दे हे।
ए फेरबदल म कुलभूषण टोप्पो ल छत्तीसगढ़ सामान्य प्रशासन अकादमी के संचालक बनाय गे हे। उहचे नगरीय प्रशासन विभाग संभालत अलरमेलमंगई डी ल वित्त विभाग के सचिव के अतिरिक्त जिम्मेदारी सौंपे गे हे।
ओखर ले उच्च शिक्षा अऊ तकनीकी शिक्षा ल ले के धनंजय देवांगन ल दे गे हे। गृह विभाग के सचिव के जिम्मेदारी संभालत उमेश देवांगन ल ऊर्जा विभाग के अतिरिक्त जिम्मेदारी सौंपे गे हे।
(chhattisgarh) आवास अऊ पर्यावरण विभाग म विशेष सचिव के जिम्मेदारी संभालत रहे नीलम नामदेव एक्का ल आदिम जाति, अनुसूचित जात, पिछड़ा वर्ग अऊ अल्पसंख्यक विकास विभाग के नवा जिम्मेदारी दे गे हे। संगेसंग ओ मन ल विमानन के अतिरिक्त प्रभार दे गे हे।
हिमशिखर गुप्ता ल छत्तीसगढ़ राज्य कृषि विपणन मंडी बोर्ड के प्रबंध संचालक नियुक्त करे गे हे। भोस्कर संदीपान विलास ल छत्तीसगढ़ राज्य सड़क विकास निगम के प्रबंध संचालक के संगेसंग संयुक्त सचिव कृषि के अतिरिक्त प्रभार दे गे हे। छत्तीसगढ़ लोक सेवा आयोग म जीवन किशोर ध्रुव ल सचिव बनाय गे हे।
(chhattisgarh) पुष्पा साहू ल खनिज विभाग म उपसचिव नियुक्त करत हुये पर्यटन अऊ संस्कृति विभाग के उपसचिव के अतिरिक्त जिम्मेदारी दे गे हे। संजय अग्रवाल ल सामान्य प्रशासन विभाग म उपसचिव बनाय गे हे। उहचे प्रभाग मलिक ल संचालक संस्थागत वित्त के पद म पदस्थ करत हुये रायपुर स्मार्ट सिटी के प्रबंध संचालक के अतिरिक्त जिम्मेदारी दे गे हे।
