Corona: राजधानी रायपुर में फेर कोरोना के 11 नवा मरीज के होइस पहचान, सक्रिय मामले ह बाढ़ के होइस 106

जय जोहार…. छत्तीसगढ़ म कोरोना (corona) मरीज मन के संख्या ह सरलघा बाढ़त जावत हे। रायपुर म शुक्रवार के दोपहर तक 11 नवा मरीज के पहचान होय हे। जेमा ल तीन मरीज ह एम्स के स्टाफ अऊ आठ अन्य हे। एखर पुष्टि ल स्वास्थ्य विभाग ह करे हे।
स्वास्थ्य विभाग ले जानकारी के अनुसार रायपुर म कोरोना (corona) ले संक्रमित मरीज मन के संख्या ह बाढ़ के 256 हो गे हे। जबकि सक्रिय मरीज मन के संख्या ह 106 हे। ऊहचे 150 मरीज मन ह कोरोना ले जंग जीत गे हे।
बता देन कि राज्य म कोरोना (corona) ले संक्रमित कुल मरीज मन के संख्या ह 2467 हो गे हे। एमा ले 1729 मरीज ह स्वस्थ हो गे हे। जबकि 726 सक्रिय मरीज हे। ए वायरस ले राज्य म अब तक 12 मरीज के मौत हो चुके हे।