Corona: राहत भरे खबर, 11 मरीज मन ह जीतिस कोरोना ले जंग, सब्बो हो गे अस्पताल ले डिस्चार्ज
जय जोहार…. कोरोना ल ले के राजधानी रायपुर ले राहत भरे खबर आवत हे। राजधानी रायपुर ले आज 11 मरीज मन ह कोरोना (corona) ल मात दे दे हे। जेखर बाद ओ मन ल अस्पताल ले डिस्चार्ज कर दे हे हे।
डिस्चार्ज होवइया मरीज मन म आठ अमित होटल ले हे, जेन ह विदेश ले आय रिहिस। एक शंकरनगर ले हे, जेन किराना व्यवसायी हे, एक कालीबाड़ी अउ एक रायपुर के ही रहवइया हे।
ऊहचे आज छह नवा कोरोना (corona) संक्रमित मरीज मिले हे। जानकारी के मुताबिक एम्स के चार मेडिकल स्टाफ, नगर निगम बिरगांव के ए सफाई कर्मी अउ पीएसओ ह कोरोना संक्रमित मिले हे। ए मरीज मन के भर्ती प्रक्रिया ह जारी हे।
बता देन कि राजधानी म अब कुल कोरोना (corona) संक्रमित मरीज मन के संख्या ह 376 हो गे हे। जेमा सक्रिय मामले ह 155 पहुंच गे हे।
ऊहचे 211 मरीज मन ह स्वस्थ हो के अपन घर लहुट चुके हे। ए वायरस ले राजधानी म दू लोगन मन के मौत हो गे हे। एखर पुष्टि ल स्वास्थय विभाग ह करे हे।
