corona: प्रदेश म मिले हे कोरोना के 1103 नवा मरीज, राजधानी म घलो 251 पाजिटिव
जय जोहार…. छत्तीसगढ़ म कोरोना (corona) संक्रमित मन के संख्या ह सरलघा बाढ़त जावत हे। प्रदेश म आज कोरोना के 1103 नवा मरीज के पहचान होय हे।
उहचे 686 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 8 लोगन मन के मौत हो गे हे।
आज जेन कोरोना (corona) के नवा मरीज ह मिले हे, ओमा रायपुर ले 251, राजनांदगांव ले 135, दुर्ग ले 128, जांजगीर-चांपा ले 100, बिलासपुर ले 99, रायगढ़ ले 75, बस्तर ले 51, धमतरी ले 31, बलौदाबाजार ले 30, बालोद ले 26, महासमुंद ले 25, नारायणपुर ले 24, सुकमा ले 20, सूरजपुर अऊ मुंगेली ले 19-19, दंतेवाड़ा ले 12, जशपुर ले 11, बलरामपुर अऊ बीजापुर ले 10-10, कोंडागांव ले 8, कबीरधाम ले 7, सूरजपुर अऊ कांकेर ले 4-4, बेमेतरा ले 3, कोरबा ले 1 मरीज शामिल हे।
बता दन कि प्रदेश म कोरोना (corona) संक्रमित मन के कुल संख्या ह बाढ़ के 31195 हो गे हे। जेमा ले 13929 एक्टिव मामला हे। उहचे 16989 लोगन मन ह कोरोना ल मात दे दे हे,
जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 277 लोगन मन के मौत हो गे हे।
