जय जोहार… (corona) प्रदेस म आज कोरोना के 112 नवा मामला के पहिचान होय हे। उहें 185 मरीज ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दउरान 4 मरीज के जान चले गे हे
प्रदेस म आज जेन कोरोना (corona) के नवा मरीज मिले हे, ओमा दुर्ग ले 7, बालोद ले 4, कबीरधाम ले 3, रईपुर ले 3, धमतरी ले 1, बलौदाबाजार ले 3, महासमुंद ले 8, गरियाबंद ले 2, बिलासपुर ले 8, रायगढ़ ले 7, कोरबा ले 4, जांजगीर-चांपा ले 10, मुंगेली ले 1, सरगुजा ले 2, कोरिया ले 2, सूरजपुर ले 1, बलरामपुर ले 2, जशपुर ले 7, बस्तर ले 17, कोंडागांव ले 2, दंतेवाड़ा ले 1, सुकमा ले 4, कांकेर ले 11, बीजापुर ले 2 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 03 हजार 356 हो गे हे, जेमा ले 1 हजार 623 एक्टिव मामला हे। उहें 9 लाख 88 हजार 189 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13544 मरीज के जान चले गे हे।
