corona: भारत म पिछले 24 घंटा म बाढ़ीस कोरोना के 11458 नवा मामले

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। भारत म कोरोना ले संक्रमित मन के संख्या ह तीन लाख ले जियादा हो गे हे। पिछिले 24 घंटा म कोरोना के 11458 नवा केस के पहचान होय हे। जबकि 386 लोगन मन के जान चले गे हे।

स्वास्थ्य मंत्रालय के ताजा आंकड़ा के मुताबिक भारत म अब तक तीन लाख आठ हजार 993 लोगन मन ह कोरोना (corona) ले संक्रमित हो चुके हे। एमा ले 8884 के मौत हो गे हे। जबकि एक लाख 54 हजार लोगन मन ह स्वस्थ हो गे हे। बता देन कि कोरोना (corona) संक्रमण ले सबले जियादा प्रभावित देश के सूची म भारत दुनिया म चौथा नंबर म हे।