corona के कहर, प्रदेश म फेर मिले हे कोरोना के 1157 नवा मामला, 8 लोगन मन के हो गे मौत

जय जोहार…. राज्य म कोरोना (corona) संक्रमित मन के संख्या ह कम होय के नाम नई लेवत हे। प्रदेश म आज कोरोना के 1157 नवा मरीज के पहचान होय हे।

उहचे 709 मरीज मन ल बने होय के बाद डिस्चार्ज कर दे गे हे। जबकि इलाज के दौरान 8 लोगन मन के जान चले गे हे।

आज जेन कोरोना (corona) के नवा मरीज मिले हे, ओमा रायपुर ले 401, दुर्ग ले 172, राजनांदगांव अऊ बिलासपुर ले 66-66, बस्तर ले 59, धमतरी ले 44, सुकमा ले 43, जांजगीर ले 41, रायगढ़ ले 40, महासमुंद अऊ कांकेर ले 27-27, नारायणपुर ले 23, कवर्धा अऊ बीजापुर ले 21, गरियाबंद ले 18, बालोद अऊ कोरिया ले 15-15, बलौदाबाजार ले 14, सरगुजा ले 9, बेमेतरा ले 8, मुंगेली अऊ जशपुर ले 7-7, कोरबा अऊ दंतेवाड़ा ले 4-4, सूरजपुर ले 3 अऊ कोण्डागांव ले 2 मरीज शामिल हे।

बता दन कि प्रदेश म कोरोना (corona) संक्रमित मन के संख्या ह बाढ़ के 28390 हो गे हे। जेमा ले 12313 एक्टिव मामला हे।

उहचे 15818 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले प्रदेश म अब तक 259 लोगन मन के मौत हो गे हे।