प्रदेश म आज सबले जियादा 116 मरीज मन ह दिस कोरोना ल मात, 44 नवा मरीज मन के होइस पहचान

जय जोहार…. छत्तीसगढ़ म कोरोना वायरस ल ले के राहत भरे खबर आय हे। सोमवार के 116 मरीज मन ह कोरोना ले जंग जीत गे हे। जेखर बाद राज्य के अलग-अलग अस्पताल ले सब्बो ल छु्ट्टी दे दे गे हे। ऊहचे राज्य म आज 44 नवा कोरोना पॉजिटिव मरीज मिले हे।

ये नवा कोरोना पॉजिटिव कोरबा जिला ले 16, बिलासपुर ले 7, रायपुर ले 7, मुंगेली ले 4, बलौदाबाजार ले 3, बलरामपुर, दुर्ग व कोंडागांव 2-2, कोरिया ले 1 मरीज शामिल हे। ऊहचे एम्स रायपुर म भर्ती धमतरी जिला ले 1 कोरोना पॉजिटिव मरीज के मौत हो गे हे। मरीज ह पूर्व ले ही किडनी के बीमारी ले पीड़ित अऊ डायलिसिस म रहिस।
बता देन कि छत्तीसगढ़ म अब तक कोरोना वायरस के कुल 107172 संभावित व्यक्ति मन के पहचान कर सैम्पल जांच करे गे है। अभी तक 1715 संक्रमित मरीज मन के पहचान होय हे। जेमा ले कुल 831 मरीज ह स्वस्थ हो के अपन घर लहुट चुके हे। ऊहचे एक्टिव मामले 875 है।