Corona: देश म पिछले 24 घंटा म मिले हे 11 हजार ले जादा नवा मरीज, पढ़व

जय जोहार…. (Corona) देश म पिछिले 24 घंटा म कोरोना के 11 हजार ले जादा नवा मरीज ह सामने आय हे। उहचे 11904 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 84 संक्रमित के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 11831 नवा मरीज मिले हे, एला मिला के देश म कोरोना संक्रमण के मामला ह 1 करोड़ 8 लाख 38 हजार ले जादा हो गे हे। जेमा ले 1 लाख 48 हजार 609 एक्टिव मामला हे।

(Corona) उहचे 1 करोड़ 5 लाख 34 हजार 505 लोगन मन ह बने होय के बाद अस्पताल ले डिस्चार्ज कर दे गे हे। ए वायरस ले देश म अब तक 1 लाख 55 हजार 080 लोगन मन के मौत हो गे हे।