corona : छत्तीसगढ़ म फेर मिलिस 12 कोरोना मरीज, एक्टिव मरीज ह बाढ़ के होइस 298

जय जोहार…. छत्तीसगढ़ म कोरोना (corona) ले जुड़े एक बड़का खबर सामने आवत हे। गुरुवार के प्रदेश म 12 नवा कोरोना संक्रमित मरीज ह मिले हे। एखर पुष्टि ल राज्य कोरोना (corona) कंट्रोल डेस्क ह करे हे।

आज मुंगेली जिला ले 9, बिलासपुर ले दू अऊ कांकेर ले एक कोरोना (corona) संक्रमित मरीज के पहचान होय हे। ए नवा मामले के संग प्रदेश म अब कुल एक्टिव मरीज मन के संख्या ह 298 हो गे हे।

प्रदेश म अब कुल संक्रमित मरीज मन के संख्या ह बाढ़ के 377 हो गे हे। जेमा ले 79 मरीज ह स्वस्थ हो गे हे अऊ अपन घर लहुट चुके हे।