corona : बलौदाबाजार जिला म फेर मिले हे कोरोना के 12 नवा मरीज

जय जोहार…. बलौदाबाजार जिला अस्पताल के सिविल सर्जन ह घलो कोरोना (corona) संक्रमित हो गे हे। ओखर जांच रिपोर्ट ह पाजिटिव आय हे। एखर संग जिला म आज 12 नवा मरीज मरीज मिले हे। जेमा ले 7 पुरुष अऊ 5 महिला हे। मरीज मन के इलाज ह बलौदाबाजार जिला कोविड अस्पताल म करे जाही। ओ मन ल भर्ती करे के प्रक्रिया ह चलत हे। जिला म अब कोरोना (corona) संक्रमित मरीज मन के संख्या ह 214 पहुंच गे हे।
स्वास्थ्य विभाग के सर्विलेंस अधिकारी डॉ राकेश प्रेमी ह बताइस कि आज जेन कोरोना (corona) के 12 नवा मरीज मिले हे, ओमा सिमगा विकासखण्ड विकासखण्ड के ग्राम लांजा ले 5, लवन ले 3, धाराशिव ले 2, बलौदाबाजार शहर ले 1 अऊ बिलाईगढ़ विकासखण्ड के ग्राम जेवराडीह ले एक मरीज शामिल हे।