जय जोहार…. प्रदेश म कोरोना के मामले ह सरलघा बाढ़त जात हे। शुक्रवार के बिहनिया पांच नवा कोरोना संक्रमित मरीज के पुष्टि होय रहिस। एखर बाद शाम के अऊ 12 नवा मरीज के पहचान होय हे। 12 म ले 11 केस ह राजनांदगांव अऊ एक केस रायपुर ले हे। ऊहचे रायपुर म जेन शख्स ल कोरोना रहिस। आज ओखर मौत हो गे हे।
जानकारी के मुताबिक मृतक युवक के कोनो घलो ट्रैवल हिस्ट्री नई हे। वो हा उरला के एक निजी फैक्ट्री म काम करत रहिस। दू दिन पहिले ओला राजधानी के निजी अस्पताल म भर्ती कराय गे रहिस, जिहां आज ओखर मौत हो गे हे। एखर बाद ओखर सैम्पल ल जांच बर भेजे गे रहिस। जिहां ले ओखर रिपोर्ट ह पाजिटिव आय हे। एखर पुष्टि ल बीरगांव नगर निगम आयुक्त ह करे हे।
बता देन के प्रदेश म कोरोना संक्रमण के मामले ह बाढ़ के 416 हो गे हे। जेमा ले 83 लोगन मन ह स्वस्थ होके अपन घर लहुट चुके हे। ऊहचे प्रदेश म कोरोना के सक्रिय मरीज मन के संख्या ह 333 पहुंच गे हे।
