Corona : छत्तीसगढ़ म कोरोना के 12 नवा मरीज के होइस पहचान, अब सक्रिय मामले ह होइस 806

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म आज फेर कोरोना के 12 नवा मरीज मिले हे। जेमा जांजगीर-चांपा ले 5, रायपुर-रायगढ़ ले 3-3 अऊ कोरबा ले एक मरीज शामिल हे। सब्बो 12 मरीज ल अस्पताल म भर्ती करे के प्रक्रिया ह चलत हे।
बता देन कि प्रदेश म कोरोना (corona) संक्रमित कुल मरीज मन के संख्या ह 2419 हो गे हे। जेमा ले 1601 मरीज मन ल डिस्चार्ज कर दे गे हे। ऊहचे प्रदेश म अब सक्रिय मरीज मन के संख्या ह 806 हे। जबकि कोरोना (corona) वायरस ले अब तक 12 लोगन मन के मौत हो गे हे।