जय जोहार…. (Chhattisgarh) रेल यात्री मन के सुविधा अउ मांग ल धियान म रखत हुये दक्षिण पूर्व मध्य रेलवे ह 12 पैसेंजर स्पेशल ट्रेन के सुविधा ल 10 अप्रैल ले सुरू करइया हे। सबो ट्रेन के परिचालन ह अलग-अलग तारीख म करे जाही।
(Chhattisgarh) 08758 अंबिकापुर-अनूपपुर मेमू पैसेंजर स्पशेल ह 10 अप्रैल ले, 08739 शहडोल-बिलासपुर मेमू पैसेंजर स्पेशल ह 11 अउ 12 अप्रैल ले चलही। 08736/08735 बिलासपुर-रायगढ़-बिलासपुर मेमू पैसेंजर स्पेशल ट्रेन ह 11 अउ 12 अप्रैल ले, 08738/08737 बिलासपुर-रायगढ़-बिलासपुर मेमू पैसेंजर स्पेशल 12 अप्रैल ले चलही।
08861/08862 गोंदिया-झारसुगड़ा-गोंदिया मेमू पैसेंजर स्पेशल ह 10 अउ 11 अप्रैल ले, 08264/08263 बिलासपुर-टिटलागढ़-बिलासपुर मेमू पैसेंजर स्पेशल ह 10 अउ 11 अप्रैल ले अवइया आदेश तक चलही। (Chhattisgarh) ए सबो ट्रेन म कोविड 19 के नियम के पालन करना जरूरी हे।
