corona: राजधानी म फेर मिलिस कोरोना के 126 नवा मरीज, एक्टिव मामला ह बाढ़ के होइस 1340

जय जोहार…. राजधानी म कोरोना (corona) संक्रमित मरीज मन के संख्या ह कम होय के नाम नई लेवत हे। आज राजधानी रायपुर म कोरोना के 126 नवा मरीज के पहचान होय हे।

एमा ले रायपुर केंद्रीय जेल ले सबले जादा 40 मरीज मिले हे। एखर आलावा गुढ़ियारी ले 17 अउ बिरगांव ले 7 कोरोना पाजिटिव मरीज सामने आय हे।

बता देन कि जिला म कोरोना (corona) संक्रमित मरीज के कुल संख्या ह 3581 पहुंच गे हे। जेमा ले 1340 एक्टिव मामला हे।

उहचे 2215 मरीज मन ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे हे। ए वायरस ले राजधानी म अब तक 26 लोगन मन के मौत हो गे हे।