balodabazar जिला म मिलिस कोरोना के 13 नवा मरीज, 7 मरीज ह जीतिस कोरोना ले जंग

जय जोहार। बलौदाबाजार (balodabazar) जिला म सोमवार देर रात कोरोना के 13 नवा मरीज के पहचान होय हे।

जेमा ले 10 मरीज ह पलारी नगर अउ 1 मरीज ह कसडोल नगर ले हे। आन दू मरीज ह गांव ले हे, जेमा ले एक ग्राम रोहांसी अउ एक ग्राम छाछी ले हे। एखर पुष्टि ल जिला प्रशासन ह करे हे।

(balodabazar) जिला के मुख्य स्वास्थ्य अउ चिकित्सा अधिकारी डॉ खेमराज सोनवानी ह बताइस कि सबो मरीज मन ल सोमवार देर रात ही जिला कोविड हास्पिटल म लाय बर एंबुलेंस ल रवाना कर दे गे हे।

एखर संग जिला म कोरोना संक्रमित मरीज मन के संख्या ह बाढ़ के 355 हो गे हे। (balodabazar) जेमा ले एक्टिव मरीज मन के संख्या हे 46 हे,

जेखर मन के कोविड अस्पताल म इलाज चलत हे। उहचे 308 मरीज मन ह कोरोना ल मात दे दे हे, जेखर बाद ओ मन ल डिस्चार्ज कर दे गे हे।