Corona: प्रदेश म पिछले 24 घंटा म होय हे 1324 नवा मरीज के पहचान, राजधानी म घलो 186 पाजिटिव

जय जोहार…. (Corona) छत्तीसगढ़ म बीते 24 घंटा म कोरोना के 1324 नवा मरीज मिले हे। उहचे 1739 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 18 लोगन मन के मौत हो गे हे।

पिछिले 24 घंटा म जेन कोरोना (Corona) के नवा मरीज मिले हे, ओमा रायपुर ले 186, दुर्ग ले 169, जांजगीर-चांपा ले 118, रायगढ़ ले 104, बिलासपुर ले 103, बालोद ले 74, राजनांदगांव ले 73, कोरबा ले 63, बलौदाबाजार ले 57, सूरजपुर ले 47, महासमुंद ले 35, धमतरी ले 33, बलरामपुर ले 32, सरगुजा ले 30, कबीरधाम ले 28, बेमेतरा ले 26 मरीज शामिल हे।

बता देन कि प्रदेश म कोरोना (Corona) संक्रमण के मामला ह बाढ़ के 2 लाख 37 हजार 322 हो गे हे। जेमा ले 19 हजार 635 एक्टिव मामला हे। उहचे 2 लाख 14 हजार 826 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 2861 लोगन मन के मौत हो गे हे।