जय जोहार। (chhattisgarh) प्रदेस म कोरोना संक्रमित के संख्या ह सरलग बढ़त जावत हे । प्रदेस म बीते 24 घंटा म कोरोना के 135 नवा मामला मिले हे । जबकि 54 मरीज ल ठीक होए के बाद ओमन ल डिस्चार्ज कर दे गेहे। उंहे इलाज के दउरान 1 मरीज के मउत हो गेहे।
प्रदेस म कोरोना के जेन नवा मरीज मिले हे, ओमा दुर्ग ले 20, राजनांदगांव ले 5, बालोद ले 2. बेमेतरा ले 2, कबीरधाम ले 2, रायपुर ले 11, धमतरी ले 4, बलौदाबाजार ले 7, महासमुंद ले 2, बिलासपुर ले 23, रायगढ़ ले 12, सरगुजा ले 12, कोरिया ले 1, सूरजपुर ले 4, बलरामपुर ले 4, कोंडागांव ले 19, दंतेवाड़ा ले 4, नारायणपुर ले 1 मरीज सामिल हे।
बता देन कि प्रदेस म कोरोना मरीज के कुल संख्या 11 लाख 80 हजार 257 हो गेहे। जेमा ले 1841 एक्टिव मामला हे । जबकि 11 लाख 64 हजार 259 मरीज ह कोरोना ले जंग जीत गेहे, जेखर बाद ओमन ल अस्पताल ले छुट्टी दे दे गेहे । उहें ए वायरस ले राज्य म अब तक 14157 मरीज के मउत हो गेहे।
