जय जोहार…. (corona) प्रदेश म सोमवार के कोरोना के 13834 नवा मरीज के पहचान होय हे। उहचे 11815 मरीज मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 165 मरीज के मौत हो गे हे।
आज जेन कोरोना (corona) के नवा मरीज मिले हे, ओमा रायपुर ले 2378, दुर्ग ले 1761, रायगढ़ ले 958, जांजगीर-चांपा ले 822, कोरबा ले 787, बिलासपुर ले 721, बलौदाबाजार ले 701, राजनांदगांव ले 609, बालोद ले 541, सरगुजा ले 460, गरियाबंद ले 477, जशपुर ले 408, मुंगेली ले 338, सूरजपुर ले 321, धमतरी ले 315, महासमुंद ले 314, कबीरधाम ले 310, बेमेतरा ले 268, कांकेर ले 258, कोरिया ले 256, बलरामपुर ले 228, गौरेला-पेंड्रा-मरवाही ले 219, बस्तर ले 164, कोंडागांव ले 128, दंतेवाड़ा ले 39, बीजापुर ले 21, नारायणपुर ले 13 मरीज सामिल हे।()
बता देन कि प्रदेश म कोरोना (corona) संक्रमित मन के संख्या ह 5 लाख 58 हजार 674 हो गे हे। जेमा ले 1 लाख 29 हजार एक्टिव मामला हे। उहचे 4 लाख 23 हजार 591 मरीज मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे, ए वायरस ले प्रदेश म अब तक 6083 मरीज के जान चले गे हे।
