corona : प्रदेस म आज होय हे कोरोना के 14 नवा मरीज के पहिचान, रईपुर म घलो 3 पॉजिटिव

जय जोहार… (corona) प्रदेस म आज कोरोना के 14 नवा मरीज के पहिचान होय हे। उहें 41 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि उपचार के दउरान 1 मरीज के मउत होगे हे।

प्रदेस म आज जेन कोरोना (corona) के नवा मरीज मिले हे, ओमा राजनांदगांव ले 1, बालोद ले 1, रईपुर ले 3, बिलासपुर ले 3, जांजगीर -चांपा ले 3, सरगुजा ले 1, कोंडागांव ले 1, दंतेवाड़ा ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 056 हो गे हे, जेमा ले 304 एक्टिव मामला हे। उहें 9 लाख 91 हजार 191 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13561 मरीज के जान चले गे हे।