बलौदाबाजार म मिलिस कोरोना के 14 नवा मामले, जिला प्रशासन ह करिन पुष्टि

जय जोहार…. बलौदाबाजार जिला म आज दोपहर एक बजे तक कोराना संक्रमित 14 नवा मरीज मन के पहचान होय हे। एखर पुष्टि ल जिला प्रशासन हे करे हे। आज मिले सब्बो मरीज ह बलौदाबाजार विकासखण्ड के ग्राम धाराशिव के हे। सब्बो मरीज ह क्वारेंटाइन सेन्टर के हे। एमा चार लईका समेत आन 10 लोगन मन के उम्र ह 20 साल ले जियादा हे।

गौरतलब हे कि रायपुर एम्स म भर्ती 19 वर्षीय युवती के इलाज के दौरान मौत हो गे हे। एम्स प्रबंधन ह ट्वीट कर मौत के पुष्टि ल करे हे। युवती ल एक जून के रायपुर एम्स म भर्ती करे गे रहिस। ए युवती ह ब्लड कैंसर ले घलो पीड़ित रहिस।