Corona: छत्तीसगढ़ म फेर मिले हे कोरोना के 140 नवा मरीज, राजधानी म सबले ज्यादा 34 पॉजिटिव

जय जोहार…. प्रदेश म कोरोना (corona) संक्रमित मरीज मन के संख्या ह कम होय के नाम नई लेवत हे। राज्य म आज कोरोना के 140 नवा मरीज मिले हे। ऊहचे दू कोरोना मरीज के मौत हो गे हे।
आज जेन कोरोना (corona) के 140 नवा मरीज मिले हे, ओमा रायपुर जिला ले 34, नारायणपुर ले 22, दंतेवाड़ा ले 17, बिलासपुर ले 13, राजनांदगांव अउ बलौदाबाजार ले 10-10, सरगुजा ले 9, रायगढ़ ले 7, दुर्ग, बालोद, जांजगीर-चांपा ले 3, बलरामपुर, कोंडागांव ले 2-2, कोरबा, बेमेतरा अउ महासमुंद ले 1-1 मरीज शामिल हे। उहचे 125 मरीज मन ल बने होय के बाद डिस्चार्ज कर दे गे हे।
बता देन कि छत्तीसगढ़ म कोरोना (corona) के कुल मरीज मन के संख्या ह 3808 हो गे हे। जेमा ले सक्रिय मामले ह 781 हे। उहचे 3028 लोगन मन ह ठीक होय के बाद अपन घर लहुट चुके हे।