जय जोहार…. (Chhattisgarh) छत्तीसगढ़ म आज कोरोना के 14098 नवा मामला के पहचान होय हे। उहचे 4668 संक्रमित मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 97 मरीज के मौत हो गे हे।
(Chhattisgarh) आज जेन कोरोना के नवा मरीज मिले हे, ओमा रायपुर ले 3797, दुर्ग ले 2272, राजनांदगांव ले 978, बिलासपुर ले 895, बलौदाबाजार ले 717, कबीरधाम ले 538, महासमुंद ले 533, जांजगीर-चांपा ले 493, रायगढ़ ले 480, कोरबा ले 429, बालोद ले 385, धमतरी ले 384, बेमेतरा ले 381, जशपुर ले 250, सूरजपुर ले 235, कांकेर ले 229, मुंगेली ले 198, सरगुजा ले 194, गरियाबंद ले 193, बस्तर ले 149, कोरिया ले 138, गौरेला-पेंड्रा-मरवाही ले 78, बलरामपुर ले 68, कोंडागांव अउ दंतेवाड़ा ले 28-28, सुकमा ले 14, बीजापुर ले 10 मरीज सामिल हे।
बता देन कि प्रदेश (Chhattisgarh) म कोरोना संक्रमित मन के संख्या ह 4 लाख 32 हजार 776 हो गे हे। जेमा ले 85860 एक्टिव मामला हे। उहचे 3 लाख 42 हजार 139 संक्रमित मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 4777 मरीज के मौत हो गे हे।
