Corona: प्रदेश म आज होय हे कोरोना के 14250 नवा मामला के पहचान, रायपुर म घलो 3960 पाजिटिव
जय जोहार…. (Corona) छत्तीसगढ़ म बुधवार के कोरोना के 14250 नवा मरीज के पहचान होय हे। उहचे 2529 मरीज मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 73 मरीज के मौत हो गे हे।
आज जेन कोरोना (Corona) के नवा मरीज मिले हे, ओमा रायपुर ले 3960, दुर्ग ले 1647, राजनांदगांव ले 1254, बिलासपुर ले 923, कोरबा ले 741, बलौदाबाजार ले 686, जशपुर ले 461, जांजगीर-चांपा ले 448, रायगढ़ ले 444, बेमेतरा ले 391, धमतरी ले 382, बालोद ले 326, गरियाबंद अउ मुंगेली ले 333-333, महासमुंद ले 300, सूरजपुर ले 271, कबीरधाम ले 265, सरगुजा ले 214, कोरिया ले 198, कांकेर ले 177, गौरेला-पेंड्रा-मरवाही ले 123, बलरामपुर ले 95, कोंडागांव ले 84, बस्तर ले 77, दंतेवाड़ा ले 67, बीजापुर ले 9, सुकमा ले 7 मरीज सामिल हे।
बता देन कि प्रदेश म कोरोना (Corona) संक्रमण के मामला ह 4 लाख 86 हजार 244 हो गे हे। जेमा ले 1 लाख 18 हजार 636 एक्टिव मामला हे। उहचे 3 लाख 62 हजार 301 संक्रमित मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 5307 मरीज के मौत हो गे हे।
