corona : देस म बीते 24 घंटा म मिले हे कोरोना के 14352 ले जादा नवा मरीज

जय जोहार। (corona ) देस म बीते 24 घंटा म कोरोना के 14352 ले जादा नवा मरीज सामने आय हे। उहें 13766 मरीज ल बने होय के बाद अस्पताल ले डिस्चार्ज कर दे गेहे। जबकि इलाज के दउरान 23 मरीज के मउत हो गेहे।

केंद्रीय स्वास्थ्य मंत्रालय ले जारी आकड़ा के मुताबिक देस म 24 घंटा म कोरोना (corona ) के 14352 नवा मरीज मिले हे। एला मिलाके देस म कोरोना संक्रमित मन के संख्या 4 करोड़ 40 लाख 19 हजार 811 ले जादा हो गेहे। जेमा ले 1 लाख 43 हजार ले जादा एक्टिव मामला हे।

उहें (corona ) 4 करोड़ 33 लाख 54 हजार 865 ले जादा मरीज ह कोरोना ल मात दे देहे, जेखर बाद ओमन ल अस्पताल ले छुट्टी दे दे गेहे। ए वायरस ले देस म अब तक 5 लाख 29 हजार 43 ले जादा मनखे मन के मउत हो गेहे ।