corona: प्रदेश म बीते 24 घंटा म बाढ़ गे कोरोना के 1438 नवा मरीज, 462 मरीज मन ह जीतिस कोरोना ले जंग

जय जोहार…. राज्य म गुरुवार देर रात कोरोना (corona) के अऊ 330 नवा मरीज के पहचान होय हे। एला मिला के गुरुवार के दिन भर म 1438 नवा मरीज मिले हे।

उहचे 462 मरीज ल बने होय के बाद डिस्चार्ज कर दे गे हे। जबकि इलाज के दौरान 14 लोगन मन के मौत हो गे हे।

गुरुवार देर रात जेन कोरोना (corona) के नवा मरीज मिले हे, ओमा ले रायपुर ले 113, दुर्ग ले 75, बेमेतरा ले 38, रायगढ़ ले 24, जांजगीर-चांपा ले 23, बस्तर ले 20, कोरबा ले 18, कबीरधाम अऊ बिलासपुर ले 4-4, गौरेला-पेंड्रा-मरवाही ले 3, महासमुंद अऊ बीजापुर ले 2-2, बालोद, धमतरी, गरियाबंद अऊ दंतेवाड़ा ले 1-1 मरीज शामिल हे।

एखर पहिले आज देर शाम जेन कोरोना के नवा मरीज के पहचान होय हे, ओमा ले रायपुर ले 380, दुर्ग ले 186, रायगढ़ ले 55, राजनांदगांव ले 53, बिलासपुर ले 51, सरगुजा ले 50, बस्तर ले 47, बलौदाबाजार ले 38, कांकेर ले 34, दंतेवाड़ा ले 28, महासमुंद ले 24, सूरजपुर ले 22, बीजापुर ले 20, कोरिया ले 19, सुकमा ले 17, मुंगेली ले 16, जांजगीर-चांपा ले 15, धमतरी ले 14, कबीरधाम ले 11, बलरामपुर ले 6, बालोद, जशपुर अऊ नारायणपुर ले 5-5, कोंडागांव ले 2, आन राज्य ले 2, गरियाबंद अऊ कोरबा ले 1-1 मरीज शामिल हे।

बता दन कि प्रदेश म कोरोना (corona) संक्रमित मन के संख्या ह बाढ़ के 25998 हो गे हे। जेमा ले 11136 एक्टिव मामला हे। उहचे 14607 लोगन मन स्वस्थ होय के बाद अपन घर लहुट चुके हे। ए वायरस ले राज्य म अब तक 245 लोगन मन के मौत हो गे हे।