जय जोहार। (corona) प्रदेश म पिछिले 24 घंटा म कोरोना के 1491 नवा मरीज के पहचान होय हे। उहचे 2178 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 13 लोगन मन के मौत हो गे हे।
बीते 24 घंटा म जेन (corona) नवा मरीज मिले हे, ओमा रायपुर ले 206, रायगढ़ ले 154, जांजगीर-चांपा ले 131, दुर्ग ले 106, बालोद ले 102, बिलासपुर ले 96, राजनांदगांव ले 82, महासमुंद ले 79, धमतरी ले 76, कोरबा ले 68, बलौदाबाजार ले 60, सूरजपुर ले 44, सरगुजा ले 40, कोंडागांव ले 33, बलरामपुर ले 31, कबीरधाम ले 28, कोरिया ले 26, बेमेतरा ले 22 मरीज शामिल हे।
बता देन कि प्रदेश म कोरोना (corona) संक्रमित मन के संख्या ह 2 लाख 54 हजार 129 हो गे हे। जेमा ले 18 हजार 346 एक्टिव मामला हे। उहचे 2 लाख 32 हजार 715 लोगन मन ल स्वस्थ होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3068 लोगन मन के मौत हो गे हे।
